ავსტრალიის დილის გადაცემის, Today Extra-ს თანამშრომლები კარანტინში მოათავსეს, მას შემდეგ, რაც მსახიობ და მომღერალს რიტა უილსონს კორონავირუსი დაუდასტურდა. ის პროგრამაში მიწვეულ სტუმრად ორშაბათს გამოჩნდა.

უილსონის ქმარმა და ოსკაროსანმა მსახიობმა ტომ ჰენკსმა კორონავირუსით დაინფიცირების შესახებ ინსტაგრამზე დღეს გაავრცელა ინფრომაცია.

ტელეარხმა Nine Network განაცხადა, რომ კრიზისზე საპასუხო გეგმა აამოქმედა. ტელეწამყვანები და სხვა თანამშრომლები ვირუსზე ტესტირებას გადიან.

თავად ტომ ჰენკსის სიტყვებით, სამედიცინო დახმარებას სიმპტომების გამოვლინების შემდეგ მიმართეს. ახლა ისინი იზოლაციაში იქნებიან. ტომ ჰენკსი ავსტრალიაში ელვის პრესლის ცხოვრებასთან დაკავშირებულ ფილმზე მუშაობდა.

"დაღლილობას ვგრძნობდით, თითქოს გავცივდით და სხეულში რაღაც ტკივილები გვქონდა. რიტას მცირე შემცივნება ჰქონდა ხოლმე. ასევე ცხელებასაც ვგრძნობდით", — წერს ჰენკსი.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: