კორონავირუსის გამო აშშ-შ პრეზიდენტმა დონალდ ტრამპმა ევროპიდან აშშ-ში შესვლა 30 დღით შეზღუდვა. ახალი რეგულაცია ეხება როგორც საჰაერო ისე საზღვაო გადაადგილებას.

სატელევიზიო მიმართვის დროს ტრამპმა აღნიშნა, რომ ევროპის 26 ქვეყნიდან აშშ-ში შესვლა აიკრძალება. შეზღუდვები არ შეეხება დიდ ბრიტანეთს, სადაც კორონავირუსის 460 შემთხვევაა დადასტურებული. მისი თქმით, ევროკავშირმა ვერ შეძლო იმავე ზომების მიღება, როგორც აშშ-მ.

გარდა ამისა, ტრამპმა მოუწოდა კონგრესს, რომ კორონავირუსთან ბრძოლის ფარგლებში ეკონომიკისთვის საგადასახადო ტვირთი შეამცირონ.

აშშ-ში კორონავირუსის 1 100-ს შემთხვევაზე მეტია დაფიქსირებული. სულ კორონავირუსის გამო 1 135 ადამიანი გარდაიცვალა.

მსოფლიო ჯანდაცვის ორგანიზაციამ COVID-19, იგივე კორონავირუსი, რომელმაც გავრცელება 3 თვის წინ დაიწყო, საერთაშორისო პანდემიად გამოაცხადა.

პანდემია ეწოდება ეპიდემიას, რომელიც გეოგრაფიულად განსაკუთრებით ფართო არეალში ვრცელდება, მაგალითად, რამდენიმე კონტინენტზე ან მთელი მსოფლიოს მასშტაბით.

მსოფლიოს მასშტაბით კორონავირუსით ინფიცირებულთა რიცხვმა 110 000-ს გადააჭარბა. გარდაცვლილია 4 000-ზე მეტი ადამიანი, გამოჯანმრთელდა — 64 000-ზე მეტი.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: