76 წლის ლუბა ყოჩიაშვილის მკვლელობის საქმეზე ბრალდებული 5 პირისთვის პროკურატურა აღკვეთის ღონისძიების სახით პატიმრობას ითხოვს. საგამოძიებო უწყებამ საქალაქო სასამართლოს შუამდგომლობით მიმართა. ინფორმაციას რუსთავი 2 ავრცელებს.

ლუბა ყოჩიაშვილის განსაკუთრებული სისასტიკით ჩადენილ მკვლელობაში ბრალი გარდაცვლილის 19 წლის შვილს, 24 წლის კაცს და არასრულწლოვან გოგოს ედება. დანაშაულის შეუტყობინებლობისთვის ბრალი კიდევ ორ ახალგაზრდას აქვს წარდგენილი.

საქართველოს შინაგან საქმეთა სამინისტროსა და პროკურატურის თანამშრომლებმა, ერთობლივი ოპერაციის შედეგად 19 წლის ირმა ყ. 23 წლის ბექა შ. და 17 წლის ნინა ჩ. დამამძიმებელ გარემოებაში, ჯგუფურად ჩადენილი განზრახ მკვლელობის ბრალდებით დააკავეს. ასევე დაკავებულნი არიან 22 წლის ავთანდილ ა. და 23 წლის დათა გ. ამავე მკვლელობის შეუტყობინებლობისა და დანაშაულის ბრალდებით.