საფრანგეთის პარლამენტის წევრი ახალი კორონავირუსით დაინფიცირდა. ამის შესახებ ინფორმაციას CNN საფრანგეთის ეროვნული ასამბლეის სპიკერზე, რიჩარდ ფერნანდიზე დაყრდნობით ავრცელებს. მედიის ცნობით, ფრანგი პარლამენტარის მდგომარეობა მძიმეა და ის საავადმყოფოშია მოთავსებული.

როგორც სპიკერმა განაცხადა, გარდა დეპუტატისა, კორონავირუსი აღმოაჩნდა პარლამენტის კიდევ ორ თანამშრომელს. ისინი პარლამენტის პარლამენტის კაფეტერიასა და ბარში მუშაობენ. მათგან ერთ-ერთი საავადმყოფოშია გადაყვანილი, მეორე კი თვითიზოლაციაში იმყოფება.

ბოლო მონაცემებით, კორონავირუსის ინფექცია 85-მდე ქვეყანაშია გავრცელებული. მსოფლიოს მასშტაბით, კორონავირუსით დაინფიცირების 97 ათასი შემთხვევაა დაფიქსირებული, ვირუსით გარდაცვლილთა რიცხვი კი 3 300-ზე მეტია.

რაც შეეხება კორონავირუსისგან განკურნებულებს, მათი რიცხვი 55 600-ს შეადგენს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: