იტალიის ქალაქ კომოში კორონავირუსით ინფიცირებული 71 წლის კაცი საავადმყოფოდან გაიქცა. ამის შესახებ ინფორმაციას იტალიური მედია ავრცელებს. მათი ინფორმაციით, კაცმა ბარგის ჩალაგება და ინფექციური საავადმყოფოდან გაქცევა მას შემდეგ გადაწყვიტა, რაც თავი კარგად იგრძნო.

იტალიური მედიის ცნობით, 71 წლის კაცმა ტაქსი გამოიძახა და თავის შვილთან წაყვანა სთხოვა. ინფექციურის ექიმებმა კი პაციენტის გაქცევის შესახებ იტალიელ სამართალდამცავებს, კარაბინერებს შეატყობინეს. რომელთაც კაცი ისევ საავადმყოფოში დააბრუნეს.

კორონავირუსით ინფიცირებულ დაავადებულ კაცს გაქცევის გამო მთავრობის დადგენილების დაუმორჩილებლობა წაუყენეს ბრალად.

რაც შეეხება ტაქსის მძღოლს, რომელიც კაცმა გამოიძახა, მას კორონავირუსზე შემოწმების შემდეგ ვირუსი არ აღმოაჩნდა, თუმცა, ამ დრომდე თვითიზოლაციაში რჩება.

გაიგეთ მეტი კორონავირუსის პრევენციის შესახებ: