გუშინ, 13 თებერვალს ღამით, ერაყის ჩრდილოეთ ნაწილში მდებარე ავიაბაზაზე, სადაც ამერიკელი სამხედროები არიან განლაგებული, სარაკეტო თავდასხმა განხორციელდა. ამის შესახებ ინფორმაციას ესოშიეითიდ პრესი ერაყის უსაფრთხოების სამსახურის წარმომადგენლებზე დაყრდნობით ავრცელებს.

მათივე ცნობით, სარაკეტო თავდასხმის შედეგად არავინ დაშავებული, დანარჩენი დეტალები კი უცნობია.

ერაყის უსაფრთხოების სამსახურის ინფორმაციით, ამავე ბაზის მიმდებარე პერიმეტრზე კიდევ 11 ჭურვი აღმოაჩინეს.

დეკემბერში სწორედ ამ ბაზაზე მომხდარი სარაკეტო შეტევით დაწყებულმა თავდასხმამ, აშშ და ირანი ომის ზღვარზე მიიყვანა.