ევროპული საქართველოს ლიდერი გუგუ უგულავა, რომელსაც უზენაესმა სასამართლომ სამწლიანი პატიმრობა მიუსაჯა აცხადებს, რომ მართმსაჯულება ცინიკური გახდა, რადგან ერთი და იმავე დანაშაულს ორჯერ აბრალებენ.

"სასამართლო ჩვენს ქვეყანაში, სამწუხაროდ, არც ერთ ეპოქაში არ ბრწყინავდა, მაგრამ ხაზგასმით ცინიკური გახდა მართმსაჯულება. ეს ცინიზმი არის ახალი შტრიხი, მხოლოდ და მხოლოდ იმის გამო, რომ ადამიანებმა გული გაიტეხონ და ადამიანებს აღარ დარჩეთ რწმენა იმისა, რომ ამ შავი ჭირის მოშორება შეიძლება", — განცხადა მან მთავარ არხთან.

მანვე აღნიშნა, რომ ბოლო პერიოდში მის წინააღმდეგ მოქმედებმდა ორგანიზებული დანაშაულებრივი ჯგუფი.

"უბრალოდ, ეს ყველაფერი გააკაეთეს ფორმაში. ერთი როლი შეასრულა იმ ძიუდოისტმა კაცმა, მეორე როლი შეასრულა პოლიციამ, ახლა სასამართლო. აი, ეს თოჯინები ივანიშვილის ხელში", — განაცხადა მან.

უგულავამ აღნიშნა, რომ ოპოზიციის ლიდერების წინააღდეგ ბრძოლა გრძელდება და მოსალოდნელია სხვისი დაპატიმრებაც, თუმცა მისი თქმით, "პატიმრობის სტატუსი არ ანიჭებს მისნის უფლებას, ამიტომ არ იმარჩიელებს" თუ ვინ იქნება შემდეგი.

უზენაესმა სასამართლომ გიგი უგულავას სამწლიანი პატიმრობა შეუფარდა. განაჩენის გამოცხადების შემდეგ ოპოზიციის ლიდერებმა აღნიშნეს, რომ მთავრობასთან მოლაპარაკებებს წყვეტენ და პროტესტის რეჟიმზე გადადიან. უგულავას თქმით, საპატიმრო დაწესებულებაში თავად მივა.

თბილისის ყოფილ მერსა და ოპოზიციის პატიმრობაში ყოფნა ისევ 3 წლით, 2 თვითა და 8 დღით მოუწევს. საქმეზე, რომელზეც უგულავა რამდენიმე წლის წინ მსჯავრდებული იყო, გადაწყვეტილება უზენაესმა სასამართლომ დღეს, 10 თებერვალს გამოაცხადა. საკასაციო საჩივარი ყოფილმა გენერალურმა პროკურორმა და ახლადარჩეულმა მოსამართლემ შალვა თადუმაძემ განიხილა. მასთან ერთად შემადგენლობაში იყვნენ მოსამართლეები, მერაბ გაბინაშვილი და გიორგი შავლიაშვილი.

საქმე ეხება თბილისის განვითარების ფონდის საქმეს, რაზეც გიგი უგულავა და მასთან ერთად ბრალდებული 4 პირი 2018 წლის თებერვალში დამნაშავედ სცეს. გიგი უგულავას პროკურატურა მერობის პერიოდში თბილისის განვითარების ფონდიდან 48 მილიონი ლარის მითვისება-გაფლანგვას ედავება.

2018 წლის თებერვალში თბილისის საქალაქო სასამართლომ თბილისის ყოფილი მერი გიგი უგულავა და მასთან ერთად ბრალდებული ოთხი პირი, ე.წ. ფონდების საქმეში დამნაშავედ ცნო. უგულავას მიუსაჯეს 1 წლითა და 3 თვით თავისუფლების აღკვეთა, თუმცა სხვა საქმეზე გამოტანილმა განაჩენმა ახალი განაჩენი შთანთქა. მას სასჯელი მოხდილად ჩაეთვალა.

ბრალდების მხარე ამტკიცებდა, რომ თბილისის მერმა და ერთიანი ნაციონალური მოძრაობის თბილისის საქალაქო ორგანიზაციის თავმჯდომარემ, გიგი უგულავამ მერიის სხვა მაღალჩინოსნებთან ერთად, შეიმუშავა დანაშაულებრივი სქემა: "თბილისის განვითარების ფონდის კუთვნილი თანხით 2012 წლის ოქტომბრის საპარლამენტო არჩევნებთან დაკავშირებული ერთიანი ნაციონალური მოძრაობის წინასაარჩევნო ხარჯების დასაფინანსებლად".

გაიგეთ მეტი: