აშშ-ს კონგრესში საქართველოს მეგობართა ჯგუფის თავმჯდომარე, ადამ კინზინგერი პარლამენტის თავმჯდომარის, არჩილ თალაკვაძესთან შეხვედრას აფასებს და ამბობს, რომ მისი ძალისხმევა და აშშ-ში შეხვედრების გამართვა დასაფასებელია. ამის შესახებ კინზინგერი საკუთარ ტვიტერზე წერს.

როგორც კინზინგერი წერს, მას შეხვედრები ჰქონდა საქართველოს პოლიტიკურ კრიზისში ჩართულ სხვა პოლიტიკურ პარტიებთანაც და მიუხედავად იმისა, რომ პროგრესი შეინიშნება, აშკარა გახდა, რომ ოპოზიციასა და მმართველ გუნდს შორის უთანხმოებები რჩება.

"დემოკრატია მარტივი არ არის და მაშინ როცა თავისუფალ ქვეყანაში საპროტესტო გამოსვლები ნორმალური მოვლენაა, ის მშვიდობიანად უნდა დარჩეს. ასევე, მოქალაქეები უნდა იყვნენ დარწმუნებულები, რომ მათი სასამართლო სისტემა ყველასთვის სამართლიანი იქნება, დამოუკიდებელი და პოლიტიკური გავლენებისგან თავისუფალი. საქართველოში კომპრომისზე უნდა წავიდეს ყველა მხარე, რომელიც ჩართულია დემოკრატიისა და თავისუფლებისკენ სწრაფვაში", — წერს კინზინგერი.

საქართველოს დელეგაციის ვიზიტი აშშ-ში მას შემდეგ დაიგეგმა, რაც ბოლო თვეების განმავლობაში შტატებიდან ხელისუფლებამ რამდენიმე კრიტიკული წერილი მიიღოს. წერილებში კრიტიკის მიზეზად ბოლოდროინდელ მოვლენები სახელდებოდა, რომლებმაც აშშ-სთან საერთო ღირებულებების არსებობაზე კითხვები გააჩინა.

გაიგეთ მეტი სენატორების წერილზე:

გაიგეთ მეტი კონგრესმენების წერილებზე: