საქართველოს პარლამენტის თავმჯდომარე შალვა პაპუაშვილი, ტანზანიის ქ. არუშაში მიმდინარე საპარლამენტთაშორისო კავშირის (IPU) 153-ე ასამბლეის ფარგლებში, ტანზანიის ეროვნული ასამბლეის თავმჯდომარე მუსა ზუნგუს შეხვდა. ამის შესახებ მან სოციალურ ქსელში დაწერა.

მისივე თქმით, შეხვედრაზე საპარლამენტო კავშირების გაღრმავების მზაობა გამოთქვეს და ტურიზმისა და განათლების მიმართულებებით თანამშრომლობა განიხილეს.

"ტანზანიის ქ. არუშაში მიმდინარე საპარლამენტთაშორისო კავშირის (IPU) 153-ე ასამბლეის ფარგლებში, ტანზანიის ეროვნული ასამბლეის თავმჯდომარე მუსა ზუნგუს შევხვდი.

აღვნიშნე ტანზანიის მხარის მიერ საპარლამენტთაშორისო კავშირის ასამბლეის მაღალ დონეზე ორგანიზება.

ტანზანიის ეროვნული ასამბლეის თავმჯდომარეს მადლობა გადავუხადე საქართველოს ტერიტორიული მთლიანობის მხარდაჭერისთვის.

ვისაუბრეთ პარლამენტებს შორის ურთიერთობებზე და გამოვხატეთ საპარლამენტო კავშირების გაღრმავების მზაობა. ასევე, განვიხილეთ ტურიზმისა და განათლების მიმართულებებით თანამშრომლობა", — დაწერა პაპუაშვილმა.