პარლამენტის საგარეო ურთიერთობათა კომიტეტის თავმჯდომარე, ირაკლი ბერაია ევროკავშირის ანგარიშის შეფასებისას ვარაუდობს, რომ "დოკუმენტში ბევრი პოზიტივია". დღეს, 8 თებერვალს პარლამენტში ჟურნალისტებთან საუბარში დეპუტატმა თქვა, რომ ის გუშინ გამოქვეყნდა და ჯერ ვერ გაეცნო.

"მე დარწმუნებული ვარ, ანგარიშში მითითებულია ძალიან ბევრი პოზიტივი, არ გამოვრიცხავ, რომ ანგარიშში იყოს ნახსენები ის სფეროები, სადაც არსებობს სივრცე, დამატებითი ნაბიჯების გადადგმის... ანგარიში გამოქვეყნდა გუშინ, მე პირადად, არ მქონია ჯერ შესაძლებლობა, რომ გავცნობოდი. როდესაც გავეცნობი, ამის შემდეგ გავაკეთებ ვრცელ კომენტარს".

7 თებერვალს ევროკომისიამ ასოცირების ხელშეკრულების შესრულების ანგარიში გამოაქვეყნა. ანგარიშში წერია, რომ გამოწვევები რჩება საარჩევნო რეფორმასთან, პოლიტიკურ დიალოგთან და სასამართლო ხელისუფლების რეფორმირებასთან მიმართებით. ამასთან, ნათქვამია, რომ საქართველო კვლავ ერთგულად ასრულებს შეთანხმებით ნაკისრ ვალდებულებებს.

დოკუმენტში წერია, რომ უმნიშნელოვანესია, მოიძებნოს ისეთი გამოსავალი საარჩევნო სისტემაზე, რაც ყველა მხარისათვის მისაღები იქნება.

გაიგეთ მეტი: