მართალია, ახალ ზელანდიაში კორონავირუსის ჯერ არცერთი შემთხვევა არ დაფიქსირებულა, თუმცა, მან მაინც შექმნა ამ ქვეყანაში გარკვეული ეკონომიკური პრობლემები.

ჩაიკეტა საზღვრები და აიკრძალა ტურისტული მიმოსვლაც, რის გამოც 200 ათასამდე ტონა სარეალიზაციოდ გამზადებული ცოცხალი ლობსტერი ახალ ზელანდიაში "გაიჭედა".

შესაძლოა ლობსტერების ნაწილი ველურ ბუნებაში დააბრუნონ, თუმცა, არსებობს საფრთხე, რომ ისინი გარემოს სერიოზულ საფრთხეს შეუქმნიან.

"ჩინურ ახალ წელთან დაკავშირებით ახალი ზელანდიიდან ჩინეთში დიდი რაოდენობით ლობსტერების ექსპორტი ხდება. თუმცა, წელს გავრცელებული ვირუსის გამო თითქმის ყველა შეკვეთა გაუქმდა. ჩაიკეტა საზღვრები.", — აცხადებენ ახალი ზელანდიის ოფიციალური პირები.

სწორედ ამიტომ, ახალ ზელანდიაში ახალი ბაზრების მოძიება მოუწევთ, სადაც ტონობით ლობსტერი უნდა გასაღდეს.

კორონავირუსით გარდაცვლილთა რიცხვი 500-მდე გაიზარდა. დაავადებულთა რაოდენობა კი 20 ათასს აღწევს. ვირუსი პირველად 2019 წლის ბოლოს, ჩინეთის ქალაქ უხანში გავრცელდა.