ადამიანის უფლებათა კომიტეტის თავმჯდომარე, სოფო კილაძე პარლამენტთან მიმდინარე აქციას "სისულელეს" უწოდებს. მისი თქმით, "გული წყდება", რომ აქციის მონაწილეების ენერგია ქვეყნის "აღმშენებლობაში" არ იხარჯება.

"ეს არის მათი უფლება მანამ, სანამ კანონს არ დაარღვევენ. ამაში ვერავითარ ტრაგედიას ვერ ვხედავ. უბრალოდ, გული მწყდება, რომ ეს ენერგია ნაცვლად იმისა, რომ ქვეყნის აღმშენებლობაში, იხარჯება ასეთ სისულელეებზე", — სოფო კილაძე.

საქართველოს პარლამენტთან ოპოზიციისა და აქტივისტების საპროტესტო აქცია "სირცხვილის კორიდორები" მიმდინარეობდა. პროტესტის მონაწილეები ბანერებით იდგნენ და აპირებდნენ, რომ პარლამენტში შესული დეპუტატებისთვის დისკომფორტი შეექმნათ.

"სირცხვილია", "თავისუფლება პოლიტპატიმრებს", "ბიძინა ვირუსი" — ამ და სხვა პლაკატებით ისინი ორ სხვადასხვა შესსვლელთან, ჩიტაძისა და ჭიჭინაზის ქუჩაზე იდგნენ.