აშშ-ს პრეზიდენტი კონგრესის წინაშე ყოველწლიური მოხსენებით მესამედ წარსდგა. ტრამპმა მისი პრეზიდენტობის პერიოდში მიღწეულ წარმატებებზე ისაუბრა და აღნიშნა, რომ სამი წლის წინ ამერიკამ თავისი დიდების დაბრუნება დაიწყო. ამის მაგალითად, მან ქვეყანაში უმუშევრობის კლება, 7 მილიონი ახალი სამუშაო ადგილის შექმნა, სიღარიბისა და დანაშაულის კლება დაასახელა.

ტრამპის თქმით, ის დრო დასრულდა, როდესაც აშშ-ს სხვა ერები იყენებდნენ და ეკონომიკა იშლებოდა, ახლა ამერიკა წინ მიიწევს და უკან არასდროს დაბრუნდება.

"ჩვენი ქვეყანა ყვავის და ისევ დიდ პატივს სცემენ. ამერიკის მტრები გარბიან, ამერიკის სიმდიდრე იზრდება და ამერიკის მომავალი თვალისმომჭრელად ნათელია", — განაცხადა ტრამპმა.