თანასწორობის მოძრაობამ ჰომოფობიური და ტრანსფობიური ბულინგის წინააღმდეგ კამპანიის "არ ხარ მარტო" დაიწყო. კამპანიის პრეზენტაციაზე აუდიტორიას ჟურნალ — ეგალიტეს პირველი ნომერი და ვიდეო კლიპები წარუდგინეს.

ორგანიზაციაში ამბობენ, რომ კამპანია მიზნად ისახავს ჰომოფობიურ და ტრანსფობიურ ბულინგზე მსჯელობის დაწყებას. ხოლო ჟურნალი "ეგალიტე - სახელმძღვანელო ახალგაზრდებისთვის" მიზნად ისახავს ახალგაზრდების მხარდაჭერას საინფორმაციო რესურსებით, რომლებიც შეეხება სექსუალობის, მშობლებთან ურთიერთობის, ციფრული უსაფრთხოებისა და ბულინგის საკითხებს.

კამპანიის ვიდეოკლიპები აერთიანებს იმ ადამიანების ზეპირ ისტორიებს, რომელბმაც გამოსცადეს ბულინგი. თანასწორობის მოძრაობის ერთ-ერთ კლიპში კი სხვადასხვა სფეროს სპეციალისტები ბულინგის წინააღმდეგ ერთიანდებიან.