საპარლამენტო უმრავლესობის წევრს, გია გაჩეჩილაძეს მიაჩნია, რომ ამერიკელი პოლიტიკოსები პოლიტიკოსები არაინფორმირებულები არიან. ინფორმაციის ნაკლებობის მაგალითად გაჩეჩილაძე ამერიკელების მხრიდან მედიასთან დაკავშირებული პრობლემების ხსენება მოჰყავს.

როგორც გაჩეჩილაძე ამბობს, დღეს საქართველოში გამოხატვის თავისუფლება შეზღუდული არ არის.

"ბოლო წერილი რომ ვნახე, ცოტა გამიკვირდა. იმიტომ, რომ რაღაცა აქ არაინფორმირებული საკითხიც დგას ალბათ. როგორ შეიძლება საქართველოზე ილაპარაკო, რომ საქართველოში არის მედიის პრობლემები? მაგალითად, როდესაც, რა ვიცი, რამდენი მედია გაჩნდა. ადამიანები რასაც უნდა, იმას აკეთებენ, რასაც უნდა, იმას ლაპარაკობენ, ზოგი სანაგვე მანქანაზეა ატორღიალებული და იქედან კივის. ზოგი სად არის და ზოგი სად არის და გამოხატვის თავისუფლება როგორ არის შეზღუდული?", — განუცხადა ფორმულას გაჩეჩილაძემ.

24 იანვარს საქართველოს მთავრობას კრიტიკული გზავნილები კიდევ ორმა კონგრესმენმა გამოუგზავნა. კონგრესმენმა ბრაიან ბაბინიმ დაწერა, რომ ქვეყნის ისტორიაში პირველად, საქართველო და ქვეყნისთვის გაწეული რესურსები საფრთხილო და ნეგატიურ კონტექსტში განიხილება. კონგრესმენმა პეტ ოლსონმა კი განაცხადა, რომ კორუმპირებული საქართველოს მთავრობა თავს ესხმის დემოკრატიულ ღირებულებებს.

ამერიკელმა კონგრესმენებმა საქართველოს პრემიერ-მინისტრს რამდენიმე კრიტიკული წერილი მისწერეს, რომელშიც სხვადასხვა საკითხს ეხმიანებიან, მათ შორის ანაკლიის პორტს, ოპოზიციის ლიდერების წინააღმდეგ მიმდინარე გამოძიებებსა, არჩევნებსა და მედიას.

გუშინ, 26 იანვარს, ერთიანმა ნაციონალური მოძრაობამ სენატორ როჯერ ვიკერის წერილი გაასაჯაროვა. მათი თქმით, წერილი სენატორმა გიორგი გახარიას დეკემბრის თვეში გამოუგზავნა. გასაჯაროებულ წერილში სენატორი აღნიშნავს, რომ წარმატებული დემოკრატიული წინსვლასთან დაკავშირებით ბოლოდროინდელ მოვლენებზე შეშფოთებულია.

გაიგეთ მეტი: