რამდენიმე საათის წინ კინომსახიობთა გილდიის 26-ე დაჯილდოება გაიმართა, რომელმაც გასული წლის გამორჩეული სერიალები, ფილმები და მათი შემოქმედები დაასახელა.

დაჯილდოების ცერემონიის მთავარი მოვლენა კი ერთი შეხედვით სრულიად მოულოდნელი შემთხვევა გახდა, რომელმაც მილიონობით ფანის ყურადღება მიიპყრო: ყოფილი ცოლ-ქმარი, ჯენიფერ ენისტონი და ბრედ პიტი ერთმანეთს იმაზე ემოციურად შეხვდნენ, ვიდრე ვინმე წარმოიდგენდა.

თუ არ გახსოვთ, გეტყვით, რომ ჰოლივუდის ეს ორი ვარსკვლავი ერთმანეთს 2005 წელს დაშორდა, მას შემდეგ კი მათი ურთიერთობის ირგვლივ მედიაში მუდმივი სპეკულაციები ვრცელდება.

დავიწყოთ იქიდან, რომ წუხანდელ დაჯილდოებაზე ბრედ პიტს ტარანტინოს ფილმ Once Upon a Time in Hollywood-ში შესრულებული როლისთვის ჯილდო გადასცეს, რა დროსაც მან თავის გმირსა და საკუთარ გამოცდილებაზე გადაკვრით იხუმრა:

"სიმართლე რომ ვთქვა, რთული იყო იმ კაცის როლის შესრულება, რომელიც კაიფშია, ნახევრად ტანშიშველია და ცოლს დიდად ვერ ეწყობა. ნამდვილად რთული იყო."

ფოტო: KEVORK DJANSEZIAN/GETTY

ამ დროს დარბაზში ჯენიფერ ენისტონიც იმყოფებოდა და ყოფილ პარტნიორს ღიმილით შესცქეროდა.

ფოტო: TNT

მოგვიანებით სცენაზე ასვლა თავად ჯენიფერ ენისტონსაც მოუწია: სერიალ The Morning Show-ში ქალის როლის საუკეთესოდ შესრულებისთვის ისიც დააჯილდოვეს.

ფოტო: CHRIS PIZZELLO/INVISION

მართალია, ამით მსახიობმა Apple TV Plus-ს პირველი მნიშვნელოვანი ჰოლივუდური ჯილდო მოუტანა, მაგრამ ყველა მაინც ერთმა გავრცელებულმა კადრმა აალაპარაკა: როგორ უყურებს სცენაზე ასულ ენისტონს ბრედ პიტი კულისებიდან.

ვიდეოც კი შეგიძლიათ ნახოთ, რომელშიც ბრედ პიტი ამაყი მშობელივით ადევნებს თვალს ჯენიფერ ენისტონის სცენაზე წარმოთქმულ სიტყვას.

ემოციებით აივსეთ? ყველაფერი ამით სულაც არ დასრულებულა.

დაჯილდოების ორი ტრიუმფატორი მსახიობი ერთმანეთს პირისპირაც გადაეყარა და მათმა შეხვედრამ იმაზე მოულოდნელი შთაბეჭდილება მოახდინა ყველაზე, ვიდრე ვინმე წარმოიდგენდა.

ფოტო: EMMA MCINTYREGETTY IMAGES

56 წლის ბრედ პიტს ძველი სიყვარულისთვის ხელის გაშვებაც კი აღარ უნდოდა.

ფოტო: Emma McIntyreGetty Images

ამან, რა თქმა უნდა, არა მხოლოდ იქ დამსწრე საზოგადოება, არამედ უკვე უამრავი ადამიანი აალაპარაკა სოციალურ ქსელებში.