რუსულმა პანკ-ჯგუფმა Pussy Riot-მა კიდევ ორი კლიპი გამოაქვეყნა. აქედან ერთი კვლავ აშშ-ს პრეზიდენტობის კანდიდატის ტრამპის წინააღმდეგ მიმართული სიმღერაა.

კლიპში ნაჩვენებია, როგორი იქნება ამერიკა ტრამპის გამარჯვების შემთხვევაში. აქ ვხედავთ პოლიციელებს, რომლებსაც ტრამპისნაირი ვარცხნილობა აქვთ და უცხოელების დეპორტაციაზე მუშაობენ, ხოლო ქალებს მკერდსა და უკანალს უზომავენ, რადგან ტრამპს პატარამკერდიანი და მსუქანი ქალები არ მოსწონს.

კლიპში ტრამპის მიერ გაკეთებული რამდენიმე რასისტული, ქსენოფობიური და სექსისტური განცხადებაც ისმის. სიმღერის სათაური დონალდ ტრამპის კამპანიის სლოგანია: "Make America Great Again".

მეორე სიმღერა რუსეთის ხელისუფლებასა და ქვეყანაში არსებულ მდგომარეობას ეხება.

სიმღერა ორგანოებზე ანუ ძალოვან სტრუქტურებზეა.

"органы в рясах и органы в погонах" - "ორგანოები ანაფორებში და ორგანოები სამხრეებში" ნათქვამია სიმღერის ტექსტში. Pussy Riot ეკლესიისა და სახელმწიფოს, კერძოდ კი უშიშროების სამსახურების თანამშრომლობაზე მიანიშნებს.

"свобода больше не более лучше несвободы" - "თავისუფლება პატიმრობაზე უკეთესი აღარ არის", მღერის Pussy Riot.

ასევე იხილეთ პირველი კლიპი: "პირდაპირ ვაგინიდან" - Pussy Riot-ის ახალი სიმღერა ტრამპს ეძღვნება