ბოლო ათი წლის განმავლობაში პირველად მოსახლეობის 53 პროცენტი ფიქრობს, რომ საქართველო არასწორი მიმართულებით ვითარდება. NDI-ს კვლევის თანახმად, მოსახლეობის მხოლოდ 19 პროცენტს მიაჩნია, რომ ქვეყანა სწორი მიმართულებით ვითარდება. 24 პროცენტი კი ფიქრობს, რომ ის საერთოდ არ იცვლება.

ეროვნულ დემოკრატიულმა ინსტიტუტმა (NDI) კვლევა 2019 წლის 19 ნოემბრიდან 13 დეკემბრის ჩათვლით ჩაატარა. საქართველოს მასშტაბით (ოკუპირებული ტერიტორიების გამოკლებით), 2 180 (გამოპასუხება 35) პირისპირ ინტერვიუს წარმომადგენლობითი შერჩევის საფუძველზე გამოიკითხა. საშუალო ცდომილების ზღვარი 1,9 პროცენტია.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC — საქართველო.