ბათუმში მაღალსართულიანი კორპუსის მე-11 სართულიდან ლიფტი ჩავარდა. შინაგან საქმეთა სამინისტროს ინფორმაციით, ამ დროს ლიფტით ორი მგზავრი გადაადგილდებოდა. ისინი მსუბუქად დაშავდნენ.

საქმეზე გამოძიება სისხლის სამართლის კოდექსის 240-ე მუხლით დაიწყო. ამ მუხლით უსაფრთხოების წესის დარღვევა სამშენებლო წარმოებისას, რამაც გამოიწვია ჯანმრთელობის ნაკლებად მძიმე დაზიანება, ისჯება ჯარიმით ან გამასწორებელი სამუშაოთი ვადით ორ წლამდე ანდა თავისუფლების აღკვეთით ვადით ორ წლამდე.