პარლამენტის ყოფილი თავმჯდომარის და უმრავლესობის წევრის, ირაკლი კობახიძის შეფასებით, მიხეილ სააკაშვილის განცხადება, რომ "გიგა ბოკერია ივანიშვლის მსხვერპლია" , "საინტერესო მოვლენაა". კობახიძის კომენტარს საზოგადოებრივი მაუწყებელი ავრცელებს.

"მორწმუნე სააკაშვილი სოლიდარობას უცხადებს ურწმუნო ბოკერიას, რაც საინტერესო მოვლენაა", — განაცხადა ირაკლი კობახიძემ.

საქართველოს ყოფილმა პრეზიდენტმა, მიხეილ სააკაშვილმა 12 იანვარს, მთავარ არხთან ინტერვიუში განაცხადა, რომ ევროპული საქართველოს ერთ-ერთი ლიდერი გიგა ბოკერია, ივანიშვილის მსხვერპლია, მათი მხრიდან სოლიდარობას იმსახურებს.