ქუთაისში ერთ ღამეში, გველესიანის ქუჩაზე ორი სახლი გაქურდეს. შემთხვევა მეზობელ სახლებში მოხდა. გავრცელებული ინფორმაციით, ერთ-ერთი სახლიდან წაღებულია ოქრო და ფული. სხირტლაძის ქუჩაზე მდებარე სახლის ეზოში კი უცნობი პირები უკანონოდ შევიდნენ.

შინაგან საქმეთა სამინისტროს ინფორმაციით, ქურდობაზე გამოძიება საქართველოს სისხლის სამართლის კოდექსის 177-ე მუხლით დაიწყო, რაც ერთიდან სამ წლამდე თავისუფლები აღკვეთას ითვალისწინებს. სახლის ეზოში უკანონოდ შესვლაზე კი გამოძიება 160-ე მუხლით მიმდინარეობს. დანაშაული ორ წლამდე თავისუფლების აღკვეთით ისჯება.