ირანში უკრაინული თვითმფრინავის ჩამოვარდნის გამო საგარეო საქმეთა მინისტრი დავით ზალკალიანი მწუხარებას გამოთქვამს. ამის შესახებ მინისტრი საკუთარ ტვიტერზე წერს.

"ირანში უკრაინის თვითმფრინავის კატასტროფისა და ბორტზე მყოფი ყველა მგზავრის დაღუპვის ინფორმაციით ღრმად ვართ დამწუხრებულები. სამძიმარს ვუცხადებთ ამ საშინელი ტრაგედიის დროს დაღუპულთა ოჯახებს", — წერს ზალკალიანი.

უკრაინული ავიახაზების თვითმფრინავი ბოინგ 737, რომელშიც მინიმუმ 170 ადამიანი იმყოფებოდა, თეირანის აეროპორტიდან აფრენის შემდეგ მალევე ჩამოვარდა. თვითმფრინავი კიევისკენ მიემართებოდა. თვითმფრინავის ვერც ერთი მგზავრის გადარჩენა მოხერხდა.

კომპანიის ტექნიკური დირექტორის განცხადებით, ბოინგი 2016 წელს გამოშვებულია და ბოლო ტექნიკური შემოწმება 6 იანვარს გაიარა. მისი თქმით, შემოწმებისას პერსონალს არანაირი ტექნიკური ხარვეზი არ აღმოუჩენია და არც ეკიპაჟს უცნობებია რაიმე სახის პრობლემაზე.