ირანის ბუშერის ატომურ ელექტროსადგურთან ახლოს 4,5 ბალიანი მიწისძვრა მოხდა. France 24-ის ინფორმაციით, ეპიცენტრი სადგურიდან 50 კილომეტრის მოშორებით იყო. აშშ-ს გეოლოგიური კვლევების ინფორმაციით, ბიძგები, რომლის სიღრმე 10 კილომეტრი იყო, ქალაქ ბორაჟანთან ახლოს, ადგილობრივი დროით 6:49 საათზე (თბილისის დროით 7:19) დაფიქსირდა.

ადგილობრივი საინფორმაციო სააგენტო IRNA იუწყება, რომ მიწისძვრა ბუშერში იგრძნობოდა, სადაც ერთადერთი ატომური ელექტროსადგურია. შემთხვევის შედეგად არავინ დაშავებულა.

ფოტო: USGS

ბუშერის ატომური ელექტროსადგურის მშენებლობა, რომელიც 1 000 მეგავატ ელექტროენერგიას გამოიმუშავებს, რუსეთმა დაასრულა და ოფიციალურად გადაეცა რანს 2013 წლის სექტემბერში.