გაჭირვებულ ადამიანებს, რომლებსაც არ აქვთ სამსახური, სახლი და მატერიალური შესაძლებლობა, რომ საკუთარ თავს მოუფრთხილდნენ, ყველა ქვეყანაში შეხვდებით.

თუმცა, ცოტაა ისეთი, რომელიც საკუთარ შესაძლებლობებს, დროსა და ენერგიას სხვების დასახმარებლად, სრულიად უანგაროდ იყენებს.

მათ შორისაა ლოს-ანჯელესელი სტილისტი, შირლი რეინსი, რომელიც უსახლკარო ადამიანებს სილამაზის შენარჩუნებაში ეხმარება.

ფოტო: Shirley Raines

საქმე ის არის, რომ ბოლო თვეების განმავლობაში ქალი უკვე 800-ზე მეტ უსახლკაროს დაეხმარა ლამაზი ვარცხნილობისა და მაკიაჟის გაკეთებაში.

ამ საქმეს ის მთლიანად უთმობს შაბათ დღეს, ლოს-ანჯელესის ქუჩებში გამოდის და ადამიანებს ცხოვრებას ულამაზებს.

ფოტო: Shirley Raines

სამწუხაროდ, საზოგადოებაში ხომ ჯერ კიდევ არსებობს სტიგმა, რომ უსახლკაროების უმრავლესობა ნარკომანები ან ალკოჰოლზე დამოკიდებულები არიან, რაც სიმართლეს არ შეესაბამება.

ფოტო: Shirley Raines

ადამიანები ხშირად კარგავენ სამსახურს ან უეცრად, მათი ჯანმრთელობის მდგომარეობა უარესდება, რისი მკურნალობაც დიდ თანხებთან არის დაკავშირებული.

ფოტო: Shirley Raines

იმის გაგება თუ რამდენად რთულია ქუჩაში ცხოვრება სტილისტის ცხოვრების მთავარი მიზანი გახდა და მზად არის, რომ საკუთარი ნიჭი სხვების დასახმარებლად ყოველთვის გამოიყენოს.

შირლი ფიქრობს, რომ ისეთი მარტივი რამ, როგორიც არის მაკიაჟი და მოვლილი თმა, ადამიანებს თვითშეფასებას უმაღლებს და მათ ნებისმიერი ცხოვრებისეული გამოწვევის მარტივად გადალახვასა და წინსვლაში ეხმარება.