საქართველოს ჟურნალისტური ეთიკის ქარტიის საბჭოს წევრები ზვიად ქორიძე, ნათია ზოიძე და ნინო ხელაძე გახდნენ. ქორიძე საბჭოში გიორგი მგელაძეს ჩაანაცვლებს, რომელიც ქარტიის დირექტორი გახდა; ზოიძე და ხელაძე კი რეგიონებში ლაურა გოგოლაძესა და გიორგი სულაძეს.

ზვიად ქორიძე აჭარის მაუწყებლის კონსულტანტი იყო, რომელმაც თანამდებობა ახალი დირექტორის შეცვლის შემდეგ დატოვა. ნათია ზოიძე ამავე მაუწყებლის დირექტორის მოადგილეა. ნინო ხელაძე კი TOK TV-ში მუშაობს, მანამდე ის TV 25-ის ჟურნალისტი იყო.

ქარტიის ორგანიზებით დღეს პარლამენტთან სოლიდარობის აქციაც გაიმართა, სადაც გააპროტესტეს ჟურნალისტებისთვის საქმიანობაში ხელის შეშლა და ბოლო პერიოდში მათ მიმართ უხეში ძალის გამოყენება.