ნეობანკი სფეისი პირველი გამოჩენისთანავე დინოზავრ ბანკებს დაემშვიდობა და მაშინვე დიდი ინტერესი გამოიწვია მომხმარებელში. დღეს ახალი ვიდეორგოლი გამოჩნდა, სადაც ტრადიციული ბანკების სუსტი მხარეებია წარმოჩენილი. თუმცა ყველაზე საინტერესოა, რომ კამპანიის მთავარი მესიჯი ერთ-ერთი ბანკის ასევე მთავარი გზავნილის მოდიფიკაციაა.

ვიდეორგოლში საუბარია დისკომფორტებზე, რომელსაც მომხმარებელი საბანკო მომსახურების მიღებისას აწყდება. როგორც სფეისი, გამოჩენის პირველი დღიდანვე აცხადებს, მისი შექმნის მიზანი, სწორედ ამ დისკომფორტების მოგვარება და მომსახურების ინოვაციური მიდგომების დანერგვა იყო.

შეგახსენებთ, რომ სფეისი არის საქართველოში პირველი სრულად ციფრული ბანკი, რომელსაც არ აქვს ფილიალები და არსებობს მხოლოდ მობილურ ტელეფონში აპლიკაციის სახით. სფეისში ყველა სერვისი 24-საათიანი, მყისიერი და დისტანციურია.

დისკომფორტების ვიზუალიზაციაზე და სფეისის სამყაროს შეგრძნებაზე კრეატიულმა სააგენტო HOLMES&WATSON-მა იფიქრა.