პრემიერ-მინისტრ ბორის ჯონსონის ლიდერობით კონსერვატიული პარტია დიდი ბრიტანეთის ვადამდელ საპარლამენტო არჩევნებში დამაჯერებლად იმარჯვებს. თემთა პალატის 650 ადგილიდან მათ 361 ადგილი მოიპოვეს.

კონსერვატორების მთავარმა მოწინააღმდეგემ, ლეიბორისტულმა პარტიამ ჯერემი კორბინის ლიდერობით მხოლოდ 202 მანდატი მიიღო. გარდა ამისა, თემთა პალატაში 48 დეპუტატით წარმოდგენილი იქნება შოტლანდიის ნაციონალური პარტია. ლიბერალ-დემოკრატებს ექნებათ 10 მანდატი, ხოლო უელსის პარტიას — 4.

ბორის ჯონსონი ევროკავშირიდან გამოსვლის მომხრეა, თუმცა წინა მოწვევის პარლამენტში მისი თანაპარტიელებიც კი არ იზიარებდნენ ბრექსიტთან დაკავშირებულ შეთანხმებას, რომელსაც მან მიაღწია. აღნიშნული არჩევნებით კი მან პოზიციები გაიმყარა. კონსერვატორებმა სულ მცირე 60 მანდატით მეტი მოიპოვეს.

მათგან განსხვავებით, 2019 წლის არჩევნები დამანგრეველი იყო ლეიბორისტული პარტიისთვის, რომელმაც თითქმის 40 ადგილი დაკარგეს.

შედეგების გამოცხადების დროს პარტიის ლიდერმა, ჯერემი კორბინმა განაცხადა, რომ მომავალი არჩევნებისთვის პარტიას ახალ უხელმძღვანელებს და გადადგება. მისივე თქმით, არჩევნების შედეგები ლეიბორისტებისთვის დიდი იმედგაცრუება გახდა.