22 თებერვალს, მექსიკის ერთ-ერთი ყველაზე საშიში ნარკოკარტელის, Jalisco New Generation-ის (CJNG) ლიდერი, მეტსახელად "ელ მენჩო" დაკავების ოპერაციის დროს მოკლეს — ინფორმაციას BBC ავრცელებს.

მექსიკის თავდაცვის სამინისტროს განცხადებით, სამართალდამცავებსა და ნარკოკარტელის წარმომადგენლებს შორის შეტაკებისას კრიმინალური დაჯგუფების 4 წევრი მოკლეს და სამი სამხედრო დაშავდა.

CJNG წევრებმა ოპერაციას ტრანსპორტისთვის ცეცხლის წაკიდებით და გზების ჩახერგვით უპასუხეს. მექსიკაში საგანგებო მდგომარეობაა გამოცხადებული. აშშ-ის სახელმწიფო დეპარტამენტმა გასცა გაფრთხილება, რომ აშშ-ის მოქალაქეები დარჩნენ თავშესაფარში ხალისკოსა და ტამაულიპასის შტატებში, ასევე მიჩოაკანის, გერეროსა და ნუევო ლეონის გარკვეულ რეგიონებში.

მოსახლეობას სახლში დარჩენისკენ მოუწოდა ხალისკოს გუბერნატორმა, პაბლო ლემუს ნავარომაც და "წითელ კოდი" აამოქმედა.

მექსიკის თავდაცვის სამინისტროს ინფორმაციით, აშშ-მ მნიშვნელოვანი ინფორმაცია მიაწოდა, რაც მათ ოპერაციის ჩატარებაში დაეხმარა. აშშ $ 15 მლნ სთავაზობდა მათ, ვინც დაკავებისთვის სასარგებლო ინფორმაციას მიაწვდიდა სახელმწიფო დეპარტამენტს.