ibis Styles, რომელიც ცნობილია თავისი კრეატიული დიზაინითა და მხიარული სულისკვეთებით, აცხადებს ibis Styles Tbilisi Mziuri Park-ის გახსნას. სასტუმრო მდებარეობს ქალაქის ცენტრში, მზიურის პარკთან სულ რაღაც რამდენიმე ნაბიჯში და სტუმრებს თბილისის ერთ-ერთ ყველაზე მწვანე და ცოცხალ უბანთან აკავშირებს.

ibis Styles Tbilisi Mziuri Park Accor-ის მზარდი პორტფოლიოს უახლეს დამატებაა საქართველოში, რაც კიდევ ერთხელ ადასტურებს ჯგუფის ერთგულებას ქვეყნის, როგორც პრემიუმ ბიზნეს და დასასვენებელი ადგილის მიმართ. ბრენდის ფილოსოფიის შესაბამისად, სადაც ყველა სასტუმრო უნიკალურ ისტორიას ყვება, ეს ობიექტი აერთიანებს ფუნქციურობასა და მხატვრულ სტილს, ქმნის სივრცეს, სადაც სტუმრები თავს თავისუფლად და შთაგონებულად გრძნობენ.

არონ ლიბინსონმა, Accor-ის ოპერაციული ვიცე-პრეზიდენტმა საქართველოში და დსთ-ს ქვეყნებში, აღნიშნა:

“ibis Styles Tbilisi Mziuri Park-ის გახსნა კიდევ ერთი მნიშვნელოვანი ეტაპია ჩვენი გაფართოების გზაზე საქართველოში — რეგიონში, რომელიც Accor-ის განვითარებისთვის საკვანძოა. ეს ახალი ობიექტი სრულად შეესაბამება ჩვენს ხედვას, შევთავაზოთ სტუმრებს ელეგანტური და დიზაინზე ორიენტირებული მასპინძლობა. ის ქმნის ცოცხალ გარემოს თბილისის აღმოსაჩენად, ამასთანავე ინარჩუნებს მაღალ ხარისხს, რომელიც ibis Styles-ის ბრენდის სავიზიტო ბარათია.“

ხელოვნებითა და ბუნებით შთაგონებული დიზაინი

სასტუმრო მოიცავს 114 ნომერს, მათ შორის სტანდარტულ, პრემიუმ და საოჯახო კატეგორიებს, რომლებიც თანამედროვე კომფორტის გათვალისწინებითაა შექმნილი. ინტერიერის ესთეტიკა აცოცხლებს დღევანდელ ინდუსტრიულ ხასიათს, რომელიც ქართველი ხელოვანის, ირაკლი თოიძის უნიკალური ხედვითაა შექმნილი.

მდგრადი განვითარების პრინციპების შესაბამისად, ibis Styles Tbilisi Mziuri Park იყენებს ეკომეგობრულ გადაწყვეტილებებსა და გადამუშავებული დიზაინის ელემენტებს, რითაც ჰარმონიულად ერწყმის ურბანულ სტრუქტურასა და პარკის მიმდებარე ტერიტორიას. ლობი სოციალური ცენტრია, სადაც განთავსებულია ბარი ადგილობრივი სასმელებითა და წასახემსებლებით — იდეალური სივრცე მოგზაურებისა და ადგილობრივების საკომუნიკაციოდ.

სასტუმროს მდებარეობა ხელსაყრელი საწყისი წერტილია ქალაქის კულტურული ღირსშესანიშნაობების დასათვალიერებლად, მათ შორის ისტორიული ღვინის ქარხნის უბნისა და ჭავჭავაძის გამზირისთვის.

ვიტალი ვორონოვმა, ibis Styles Tbilisi Mziuri Park-ის გენერალურმა მენეჯერმა, დაამატა:

“ჩვენი სასტუმრო იდეალური ხიდია თბილისის მრავალფეროვანი ხასიათის აღმოსაჩენად. პარკის პირას, თუმცა ბიზნეს ცენტრებთან ახლოს მდებარეობით, ჩვენ ვთავაზობთ სივრცეს, რომელიც ერთნაირად უწყობს ხელს, როგორც მუშაობას, ისე დასვენებას. მოუთმენლად ველით სტუმრებს, რომლებიც ეძებენ კომფორტს, კრეატიულობასა და ბუნებასთან სიახლოვეს ქალაქის შუაგულში.“

დინამიკური და მრავალფეროვანი პორტფოლიო

ეს გახსნა კიდევ უფრო აძლიერებს ibis-ის ბრენდების ოჯახს რეგიონში. ახალი სასტუმრო უერთდება ისეთ ობიექტებს, როგორებიცაა:

• ibis Styles Old Tbilisi — ცნობილი ქართული ანბანით შთაგონებული ინტერიერით, რომელიც ცოტა ხნის წინ დასახელდა საუკეთესო ეკონომ კლასის სასტუმროდ ტურიზმის ეროვნულ დაჯილდოებაზე.
• ibis Styles Batumi — რომელიც ქართულ ეროვნულ სპორტს, რაგბის ეძღვნება.

Accor-ის მრავალფეროვანი წარმომადგენლობა ქვეყანაში ასევე მოიცავს: ibis Styles Tbilisi Center, ibis Tbilisi City, ibis Tbilisi Airport, ibis Tbilisi Stadium და ibis budget Tbilisi Center, რაც ნებისმიერი ტიპის მოგზაურისთვის განთავსების ფართო არჩევანს უზრუნველყოფს.

ibis-ის ბრენდის სასტუმროების სტუმრებს შეუძლიათ ისარგებლონ მრავალფეროვანი სერვისებითა და გამოცდილებით ALL - Accor Live Limitless-ის ფარგლებში, რომელიც გლობალური ლოიალობის პროგრამა და დაჯავშნის პლატფორმაა.

IBIS-ის ბრენდების შესახებ

1974 წლიდან ibis ნოვატორ ბრენდია, რომელიც დაფუძნებულია ხელმისაწვდომობის, ინოვაციისა და საიმედოობის ფუნდამენტურ პრინციპებზე. მოგზაურობისა და მასპინძლობის დემოკრატიზაციით, ის პირველი სასტუმრო ბრენდი ევროპაშია, რომელმაც მაღალი ხარისხის, კომფორტული ღამისთევა ყველასთვის ხელმისაწვდომი გახადა.

2012 წელს შეიქმნა ibis-ის მეგაბრენდი, რომელიც აერთიანებს სამ განსხვავებულ ქვებრენდს – ibis, ibis Styles და ibis budget. თითოეულ მათგანს აქვს თავისი ინდივიდუალური ხასიათი, დიზაინი და მისწრაფებები, თუმცა ყველა მათგანს აერთიანებს ibis-ის ღიაობის სულისკვეთება და ხელმისაწვდომობის, მოხერხებულობისა და კომფორტის დაპირება. გლობალურად აღიარებული ibis, ibis Styles და ibis budget-ის ბრენდები წარმოდგენილია 2,500-ზე მეტ ლოკაციაზე მსოფლიოს 79 ქვეყანაში.

ibis-ის ბრენდები Accor-ის ნაწილია, რომელიც მსოფლიოში წამყვანი სტუმარ-მასპინძლობის ჯგუფია და 110-ზე მეტ ქვეყანაში 5,700-ზე მეტ ობიექტს აერთიანებს. ბრენდი ასევე ჩართულია ALL Accor-ში — ცხოვრების სტილის ლოიალობის პროგრამაში, რომელიც მომხმარებელს სთავაზობს წვდომას მრავალფეროვან ჯილდოებზე, სერვისებსა და გამოცდილებაზე.