ოპოზიციური პარტიები აქციების დაშლისას ქიმიური მოწამვლის შესახებ ინფორმაციის შეგროვებას იწყებს. მათი განმარტებით, დასკვნა ქართველ ექსპერტებთან ერთად წამების მსხვერპლთა რეაბილიტაციის საერთაშორისო საბჭოს და დამოუკიდებელი სასამართლო ექსპერტების ჯგუფების მიერ შემუშავებული კითახვარის საფუძველზე დაიწერება.

"ვიწყებთ ქიმიური მოწამვლის შესახებ ინფორმაციის შეგროვებას.

ქართველ ექსპერტებთან ერთად წამების მსხვერპლთა რეაბილიტაციის საერთაშორისო საბჭომ (IRCT) და დამოუკიდებელი სასამართლო ექსპერტების ჯგუფმა (IFEG) შეიმუშავეს კითხვარი, რომლის საფუძველზეც დაიწერება დასკვნა.

მოვუწოდებთ პროტესტის მონაწილე მოქალაქეებს გამოიყენონ ეს შესაძლებლობა და მკვლევრებს გაუზიარონ საკუთარი გამოცდილება. ჩვენ უნდა ვიცოდეთ, თუ რა ჯანმრთელობის პრობლემები გამოიწვია მოსახლეობის წინააღმდეგ ქიმიური ნივთიერებების გამოყენებამ.

წინამდებარე კითხვარის შევსებით თქვენ გვეხმარებით დავადგინოთ სიმართლე ქიმიური მოწამვლის შესახებ.

მადლობა ნდობისთვის", — წერია გავრცელებულ ინფრომაციაში.

ინფორმაციის შეგროვებას შემდეგი პარტიები იწყებენ: ერთიანი ნაციონალური, დროა, ახალი, გირჩი — მეტი თავისუფლება, სტრატეგია აღმაშენებელი და თავისუფლების მოედანი