მოძრაობა "ხმის" ცნობით, მაია კაკიაშვილის ოჯახი მევახშეების, ბანკების და მიკროსაფინანსოების ინტერესების გამო საკუთარ სახლს კარგავს. მათივე ინფორმაციით, "მაია კაკიაშვილი წლებია იბრძვის გამოსახლების მოლოდინში მყოფი ოჯახების დასაცავად და იურიდიულ დახმარებას უწევს მათ, ვინც მარტო რჩება სამევახშეო სისტემის წინაშე", ახლა კი საზოგადოების მხარდაჭერა თავად სჭირდება.

"დღეს ვიწყებთ ფულის შეგროვებას მაია კაკიაშვილის ოჯახისთვის, რომელიც გამოსახლების მოლოდინშია და შეიძლება უახლოესი კვირების განმავლობაში ქუჩაში აღმოჩნდეს

ალბათ ბევრ თქვენგანს ახსოვს კეკელიძის ქუჩაზე შარშანწინ მომხდარი შემთხვევა, როცა ერთ-ერთი ოჯახის გამოსახლება ფართო საზოგადოებრივი წინააღმდეგობის შედეგად შეჩერდა. მაშინ ცხადად დავინახეთ, რომ სოლიდარობას აქვს რეალური ძალა. როცა ადამიანები ერთად ვდგავართ, შეგვიძლია უსამართლობა შევაჩეროთ. შეგვიძლია დავიცვათ ოჯახი საკუთარი სახლიდან გაგდებისგან.

დღეს იგივე საფრთხის წინაშეა მაია კაკიაშვილის ოჯახი. მაია თავად წლებია იბრძვის გამოსახლების მოლოდინში მყოფი ოჯახების დასაცავად. ის იურიდიულ დახმარებას უწევს მათ, ვინც მარტო რჩება სამევახშეო სისტემის წინაშე, რომელსაც ხელისუფლების მაღალ თანამდებობებზე ყავს მფარველები. დღეს მაია თავად აღმოჩნდა იგივე მძარცველი და დაუნდობელი სისტემის მსხვერპლი, რომლისგანაც სხვებს იცავდა.

დღეს მაიას ოჯახს სჭირდება ჩვენი მხარდაჭერა. ხვალ ეს ბრძოლა კიდევ ერთ ოჯახს შეეხება — გუჯა ბალახაძის ოჯახს, რომელიც ასევე ვერ გამოასახლეს საზოგადოებრივი მხარდაჭერის გამო. ჩვენ შეგვიძლია ვიყოთ გამოსახლების ჩუმი მაყურებლები, ან ისინი, ვინც ხალხის საკუთარი ოჯახებიდან გამოყრას შეაჩერებს. არ გამოვასახლებინოთ!

ანგარიშის ნომრები:

TBC ბანკი — GE79TB7411645061100124
საქართველოს ბანკი — GE16BG0000000574079987", — წერს მოძრაობა "ხმა" და ვიდეოს აქვეყნებს.