პარლამენტის ჯანდაცვის კომიტეტის თავმჯდომარის პოსტზე ოცნების მაჟორიტარი დეპუტატი დიმიტრი ხუნდაძეა წარდგენილი. ამის შესახებ დღეს, 11 ნოემბერს ბიუროს სხდომაზე გახდა ცნობილი. დიმიტრი ხუნდაძე ამავე კომიტეტის ყოფილი თავმჯდომარის, აკაკი ზოიძის პირველი მოადგილე იყო. ხუნდაძის კანდიდატურა პლენარულ სხდომაზე უნდა დამტკიცდეს.

ჯანდაცვის კომიტეტის თავმჯდომარის პოსტი ვაკანტური მას შემდეგ გახდა, რაც საპარლამენტო უმრავლესობა და საპარლამენტო თანამდებობა აკაკი ზოიძემ დატოვა.

პროპორციულ საარჩევნო სისტემაზე გადასვლის კანონპროექტის ჩაგდების შემდეგ ქართული ოცნება და საპარლამენტო უმრავლესობა 12-მა დეპუტატმა დატოვა, მათ შორის სხვადასხვა კომიტეტების თავმჯდომარეებმა. წამოსულ დეპუტატებს შორის არიან ქართული ოცნების აქტიური სახეები: თამარ ჩუგოშვილი, თამარ ხულორდავა, დიმიტრი ცქიტიშვილი, ზვიად ძიძიგური, მარიამ ჯაში.