პარლამენტის ვიცე-სპიკერი გია ვოლსკი მიიჩნევს, რომ ქვეყანას არა რუსული დეზინფორმაცია, არამედ საქართველოდან გამავალი "ფეიკ ინფორმეიშენ" [ყალბი ამბავი] აზარალებს.

"დესტრუქცია, რომელიც მივიღეთ 24 ივნისის ჩვენი განცხადების საპასუხოდ, არის ის, რაც ქვეყანას დაანგრევს და ძირს გამოუთხრის მის სტაბილურობას. ამას ყველაფერს გარედან ემატება დიდი დოზით, უშველებელი დოზით დეზინფორმაცია, "ფეიკ ინფორმეიშენ", რასაც თვითონ გაყვირიან.

რომელი რუსების ფეიკ ინფორმაცია დაგვაზიანებს, არ ვიცით, რომ ოკუპირებული აქვთ ტერიტორია და ხალხს იტაცებენ? ან თუნდაც გაფრინდაშვილის მაგალითი ავიღოთ. საშიში არის ინფორმაცია, რომელიც ჩვენგან თუნდაც უცხოელებს მიეწოდება", — განაცხადა მან პარლამენტის პლენარულ სხდომაზე, რომელსაც მხოლოდ მმართველი გუნდი ესწრება.

როგორც ქართული, ასევე, საერთაშორისო ორგანიზაციები რამდენიმე წელია აცხადებენ, რომ რუსული პროპაგანდა ჰიბრიდული ომის ერთ-ერთი კომპონენტია და მზარდი საფრთხეა პოსტსაბჭოთა ქვეყნებისთვის. რუსული დეზინფორმაციის წინააღდეგ საბრძოლველად Facebook-ის ადმინისტრაციამ სახელმწიფო და პროპაგანდისტული მედიების Russia Today-ს და Sputnik-ის ანგარიშები დაბლოკა.

გაიგეთ მეტი დეზინფორმაციასა და რუსულ პროპაგანდასთან ბრძოლაზე: