ორგანიზაცია სამართლიანი არჩევნების მიერ მოპოვებული ინფორმაციით, მაჟორიტარი დეპუტატების თითქმის 10 პროცენტი პლენარულ სხდომაზე სიტყვით საერთოდ არ გამოსულა. ასევე, მაჟორიტარი დეპუტატების 30 პროცენტი 10-ჯერ უფრო ნაკლებად გამოვიდა სიტყვით, ხოლო 100-ჯერ და უფრო მეტჯერ პარლამენტის ტრიბუნით ისარგებლა მაჟორიტარი დეპუტატების 17 პროცენტმა.

ISFED-ის ცნობით, 73 მაჟორიტარი პარლამენტის წევრიდან 2012-2016 წლებში, პარლამენტის პლენარულ სხდომაზე სიტყვით გამოსვლის უფლებით არ უსარგებლია 7 მაჟორიტარ დეპუტატს.

მაჟორიტარი დეპუტატები, რომელთაც პლენარულ სხდომაზე სიტყვით გამოსვლის უფლებით არ უსარგებლიათ:

2012 წლის ოქტომბრიდან 2016 წლის თებერვლამდე ჩამოთვლილ დეპუტატებს არც საკანონმდებლო ინიციატივის უფლება არ გამოუყენებიათ.

2012 წლის მე-8 მოწვევის პარლამენტის მაჟორიტარული სისტემით არჩეული დეპუტატების საქმიანობის შესწავლის მიზნით, სამართლიანი არჩევნებისა და დემოკრატიის საერთაშორისო საზოგადოებამ მაჟორიტარი დეპუტატებისგან საჯარო ინფორმაციის სახით გამოითხოვა მათი საქმიანობის შესახებ.