საჰაერო სატრანსპორტო მოძრაობის ფოტოები მსოფლიოს აეროპორტებიდან

აფრენისას თვითმფრინავის ხილვა შთამბეჭდავია, მაგრამ არა ისეთი, როგორიც ასობით თვითმფრინავის მიერ საჰაერო ბილიკის ერთდროულად დატოვება.

ნახეთ მაიკ კელის "საჰაერო პორტრეტები", რომელთა გადაღებისთვის ამერიკელ ფოტოგრაფს 2 წელი დასჭირდა. შემდეგ კი კომპოზიციები გამოაქვეყნა, რათა შეეხსენებინა ჩვენთვის, თუ რა დატვირთულია ჩვენი ცა.

"ეს ერთ-ერთი ყველაზე დიდი გამოწვევა იყო იმ პროექტებიდან, რომლებზეც მიმუშავია. ზოგიერთი ლოკაციიდან ათასობით ფოტო მქონდა, რომელთაც არჩევა, დამუშავება, ფერების კორექცია, კომპოზიცირება სჭირდებოდათ", წერს მაიკი თავის ბლოგზე.

1. Lax 24l - სანაპიროსკენ

ეს კადრი გადაღებულია დოკუილერის სანაპიროდან (ლოს-ანჯელესი), მზის ჩასვლისას.

2. Dubai International 12r (დილის რეისები)

უკან მსოფლიოს უმაღლესი შენობა ბურჯ-ხალიფაა.

"ეს ფოტო დილის 6-დან 8 საათამდე გადავიღე, როცა მსოფლიოს სხვადასხვა მიმართულებით უამრავი რეისი ხორციელდება".

3. Wake Turbulence: Lax

"ეს არის პირველი სურათი, რომელიც კონცეფციის მტკიცებულება უნდა ყოფილიყო. ის იყო ძალიან წარმატებული და დამარწმუნა, რომ პროექტს მსოფლიო მასშტაბი უნდა მოეცვა".

4. London Heathrow 09l (100, 50, 40)

ფოტო ასახავს მომენტს, როდესაც მსოფლიოს ერთ-ერთ ყველაზე დატვირთულ აეროპორტში, აზიიდან და ჩრ. ამერიკიდან მოფრენილი უამრავი თვითმფრინავი ეშვება.

5. Zurich Airport Runways 28 And 16

ხმაურის შემცირების ჩახლართული სისტემის გამო ციურიხის აეროპორტი სხვადასხვა მიმართულებით ორიენტირებულ ბილიკებს იყენებს.

6. London Heathrow 27l

"ამ ფოტოებისთვის სამჯერ მომიწია მოგზაურობა ლონდონში. ამინდი აქ სახუმარო თემა არ არის. მთელი დღე მჭირდებოდა მოწმენდილი ცით, მიუხედავად იმისა, რომ იმ დღეს, როცა ეს ფოტო გადავიღე მოღრუბლული იყო, გამიმართლა, რომ არ იწვიმა".

7. Amsterdam Schiphol, Polderbaan 18r

ამინდმა ამ ფოტოს საინტერესო ფონი შეუქმნა.

8. Munich Airport 08r

სურათი გადაღებულია ასაფრენი ბილიკის ბოლოდან, დილით, როდესაც პიკის საათის დროს თვითმფრინავები აეროპორტში ეშვებიან.

9. Dubai 30r

შარჯას ემირატი, საფრთხის შემცველი ღრუბლების ფონი.

10. Frankfurt Am Main 25l

"ეს გამოსახულება 2015 წლის ივლისში გადავიღე, ევროპის კონტინენტს ქარიშხალი დაატყდა თავს".

11. Amsterdam Schiphol 24

ფერმამ, წინა პლანზე, ყვითელი ფერის, ლურჯი ცისა და KLM-ის რეისების კარგი კონტრასტი შექმნა.

12. Tokyo Haneda 05

"ეს იყო ლოგიკური თავის ტკივილი. საჭირო იყო იდეალური ამინდი და ქარი. გრძელი ტელეფოტო ლინზის გამოყენებით, შევძელი ცნობილი მთა ფუძიამას გამოჩენაც, მიუხედავად იმისა, რომ გადასაღები ადგილიდან დაახლოებით 95 კმ-ის მოშორებით იყო".