ერთ-ერთი ბრიტანული დასაქმების სააგენტო ეძებს ადამიანს, რომელიც ლონდონის გარეუბანში, ფეშენებელური დასახლებაში ერთი წლის განმავლობაში იცხოვრებს.

მდიდრულ სახლში ცხოვრების გარდა კანდიდატს, რომელიც განცხადებას გამოეხმაურება, რამდენიმე კრიტერიუმის დაკმაყოფილება მოუწევს — ძალიან უნდა უყვარდეს შინაური ცხოველები და მზად იყოს, რომ მთელი ამ დროის განმავლობაში ორ ლაბრადორს, მოლოსა და ოსკარს მოუაროს.

უფრო კონკრეტულად კი მოვალეობებში შედის ძაღლების ორჯერ გასეირნება, მათი გამოკვება, საყიდლებზე წასვლა, სტუმრების მიღება, ტელეფონის ზარებზე პასუხი და სახლში არსებულ ქონებაზე ყურადღების მიქცევა.

ეს ყველაფერი არ არის, გარდა იმისა, რომ დასაქმებული ულამაზეს გარემოში იცხოვრებს უსაყვარლეს შინაურ ცხოველებთან ერთად, წლის ბოლოს საკმაოდ სოლიდურ გასამრჯელოსაც მიიღებს.

წლიური ანაზღაურება 32 ათას გირვანქა სტერლინგს შეადგენს, რაც დაახლოებით 41 ათასი დოლარია.

თქვენ იმუშავებდით ასეთ სამსახურში?