EU Business School-მა (იუ ბიზნეს სკოლა) 28 ოქტომბერს გამართა შეხვედრა კურსდამთავრებულებთან. ასეთ შეხვედრებს იუს კურსდამთავრებულთა ასოციაცია უკვე 7 წელია მსოფლიოს სხვადასხვა წერტილში რეგულარულად მართავს. წელიწადში 10-15 ასეთი შეხვედრა ტარდება სხვადასხვა ქვეყანაში ევროპასა და მის გარეთ.

შეხვედრის მიზანია ადგილობრივი ალუმნების ანუ კურსდამთავრებულების ურთიერთობის გაძლიერება. უნივერსიტეტი მათ აძლევს ახალი კონტაქტების დამყარების საშუალებას და ხელს უწყობს იდეების, შესაძლებლობებისა და ექსპერტიზის გაცვლას ალუმნებს შორის.

ლევან ბრელიძე, დაამთავრა მაგისტრატურა 2016 წელს: "ყოველ წელს ტარდება ეს ადგილობრივი შეხვედრები კურსდამთავრებულებთან, შარშან იყო მთელი საერთაშორისო კურსდმათავრებულების შეკრება ოთხივე კამპუსიდან, ბარსელონაში. იქ გავიცანი უამრავი ადამიანი, გავცვალეთ ერთმანეთთან კონტაქტები და მე ვფიქრობ, რომ ეს არის მაგისტრატურის მიზანი პირველ რიგში, რომ ადამიანებმა დაამყარონ ერთმანეთთან საქმიანი კავშირი და ქონდეთ ბიზნეს ურთიერთობა. მე ვთვლი, რომ EU-მ ეს შეგვაძლებინა".

იუ ბიზნეს სკოლის კურსდამთავრებულები ძალიან მრავალფეროვანი საზოგადოებაა. ადგილობრივი შეკრებები მათ ეხმარება შეინარჩუნონ კონტაქტი კურსელებთან და ასევე შექმნან ახალი პროფესიული კავშირები იმავე უნივერსიტეტის სხვა კურსდამთავრებულებთან. სამსახურის, თანამშრომლის ან ბიზნეს პარტნიორის ძიებისას მათ ყოველთვის შეუძლიათ მათთვის სანდო საზოგადოებას დაუკავშირდნენ.

იუ ბიზნეს სკოლას კურსდამთავრებულები 148 ქვეყანას წარმოადგენენ. სტატისტიკის მიხედვით მათი 54% ირჩევს უცხო ქვეყანაში გადასვლას სწავლის დამთავრების მერე. შესაბამისად უნივერსიტეტს კურსდამთავრებულთა ძალიან ფართო ქსელი აქვს. ისინი წარმოადგენენ სხვადასხვა ინდუსტრიას, რაც წარმოშობს უამრავ კარიერულ და ბიზნეს შესაძლებლობას, რომ ერთმანეთის დახმარებით შექმნან ახალი, განსხვავებული და წარმატებული.

თათია ბაციკაძე, დაამთავრა MBA 2018 წელს: "სწავლისას ძალიან საინტერესო იყო პროფესორებთან ურთიერთობა იმიტომ, რომ ყველა მათგანი თვითონ იყო ბიზნესის წარმომადგენელი. ეს არ იყო მხოლოდ თეორიული არამედ იყო პრაქტიკული გამოცდილებაც, რაც ძალიან დამეხმარა".

ისინი, ვინც უნივერსიტეტი დიდი ხნის წინ დაამთავრა უკვე გადაწყვეტილების მიმღები პირები არიან მათ ორგანიზაციებში და შესაბამისად მნიშვნელოვანი პარტნიორები შეიძლება გახდნენ ნებისმიერი მეწარმისთვის. ამასთან ერთად ახალი კურსდამთავრებულები წარმოადგენენ ინოვაციურ სტარტაპებსა და გლობალურ კომპანიებს. მათ შემოაქვთ ახალი ხედვები და იდეები ნებისმიერი ტიპის ორგანიზაციაში.

კონსტანტინე გელაშვილი, დაამთავრა MBA 2009 წელს: "(EU-ში სწავლისას) ყველაზე მთავარი რაც იყო, ჰორიზონტები გამიხსნა ზოგადად აზროვნების ჭრილში და ბევრად უფრო სხვანაირად დავიწყე ცხოვრებაზე ფიქრი და აღქმა, ვიდრე მანამდე."

უნივერსიტეტის შესახებ

EU Business School-ის წარმომადგენლის, ალისა კოტოვას ინგლისრენოვანი პრეზენტაცია უნივერსიტეტის შესახებ: