სტუდია ობიექტივის პირდაპირ ეთერში, როდესაც მოქალაქე გადაცემაში რეკავდა, ინციდენტი მოხდა, რა დროსაც წამყვანი მოულოდნელად გავიდა ეთერიდან.

როგორც On.ge-მ ობიექტივის წარმომადგენელთან საუბრისას გაარკვია, ინციდენტის დროს გათბობა ჩართეს და მოულოდნელად წყალმა გაჟონა:

"ვიყავით მშვენივრად, მაუწყებლობა ახლაც მიმდინარეობს. გათბობის ჩართვის დროს, გამოჟონა წყალმა. ჩვეულებრივი ამბავია. ნებისმიერ ადამიანს შეიძლება მოუვიდეს ეს სახლში. ეს ჩვენი პრობლემა არ იყო, ეს იყო კინოსახლის პრობლემა, რომელიც ეგრევე მოაგვარეს და ვსო, აი ამითი დამთავრდა, რა არის ამაში სასწაული? რა აჟიოტაჟი ატყდა, რომ რაღაცა ხდება, უბრალოდ არ მესმის".

ობიექტივის წარმომადგენლის თქმით, ხელოსანი მივიდა ადგილზე და შეაკეთა დაზიანებული ადგილი. ტელევიზიის 1 საათიანი გათიშვის შემდეგ, მაუწყებლობა აღდგენილია.