საპარლამენტო უმრავლესობის ლიდერი, გია ვოლსკი აცხადებს, რომ სალომე ზურაბიშვილის ადმინისტრაციის მიერ შეძენილი ნივთები საქართველოს ეკუთვნის. ასე ეხმაურება ის IDFI-ს კვლევას, რომლის თანახმადაც ადმინისტრაციამ ანტიკვარიატში 2 მილიონ ლარზე მეტი დახარჯა.

მისი თქმით, ამ თემით მანიპულირება არასწორია.

"ამ პრეზიდენტის პოსტს ვერც ზურაბიშვილი, ვერც მისი წინამორბედი, ვერც მომავალი პრეზიდენტი ვერ დაიკავებენ მთელი ცხოვრების განმავლობაში. ეს ეკუთვნის საქართველოს, ეს ეკუთვნის პრეზიდენტის რეზიდენციას, რომელიც საკმაოდ სერიოზულ სტუმრებს უნდა იღებდეს და გარკვეულ სახეს წარმოადგენდეს... შეიძლება შეაფასო, რომელი ნივთი სჯობდა, რომ შეეტანა ან ამაზე დიზაინერებმა რომ ისაუბრონ. ვფიქრობ, ეს არის მომავალი ბევრი წლისთვის გათვლილი და ამ შემთხვევაში მე შენიშვნები არ მაქვს", — აღნიშნა ვოლსკიმ.

ინფორმაციის თავისუფლების განვითარების ინსტიტუტის კვლევის მიხედვით, სალომე ზურაბიშვილის რეზიდენციის მოსაწყობად სარეზერვო ფონდიდან 2 800 000 ლარი გამოიყო.

ამავე თემაზე: