პარლამენტში უკვე მესამე დეპუტატი, გია ჟორჟოლიანი არ შეუშვეს. აქციის მონაწილეები მასაც ეძახდნენ "მოღალატეს".

დეპუტატმა ჟურნალისტებს უთხრა, რომ ის პარლამენტში მიდიოდა, რათა ახალი საკონსტიტუციო ცვლილება დაერეგისტრირებინა. მისი განმარტებით, ინიციატივით 2020 წლის არჩევნების სრულად პროპორციული წესით ჩატარება იქნებოდა შესაძლებელი.

პარლამენტის შენობა ბლოკირებულია. აქციის მონაწილეები ამბობენ, რომ არ შეუშვებენ არც ერთ დეპუტატს. შესასვლელებში გაიშალა კარვები და ჩააწყეს ქვიშის ტომრები, ევროპულმა საქართველომ ყველა შესასვლელ ჭიშკარს სიმბოლურად ბოქლომი დაადო.

აქცია თბილისის ქუჩებში მას შემდეგ იმართება, რაც ბიძინა ივანიშვილის დაპირება არ შესრულდა. მმართველმა პარტიამ ჩააგდო საკონსტიტუციო ცვლილებების პროექტი, რომლითაც ქვეყანაში 2020 წლის არჩევნები სრულად პროპორციული წესით უნდა ჩატარებულიყო. მმართველი პარტიის ამ გადაწყვეტილებამ ოპოზიციური პარტიები საერთო მოთხოვნის ირგვლივ გააერთიანა. მოთხოვნას იზიარებენ სამოქალაქო სექტორის წარმომადგენლები და მოძრაობა #სირცხვილია.

ამავე თემაზე: