თურქეთის სამხრეთით მდებარე ქალაქ გაზიანტეპში, თვითმკვლელი ტერორისტის მიერ თავის აფეთქების შედეგად, სამი პოლიციელი დაიღუპა და სულ მცირე ცხრა ადამიანი დაშავდა. შემთხვევა კვირას, 16 ოქტომბერს მოხდა.

Reuters-ის ცნობით, ტერორისტმა ბომბი მაშინ აამოქმედა, როდესაც ისლამისტი მებრძოლების სავარაუდო საცხოვრებელში პოლიცია ჩხრეკას ატარებდა. ქალაქი სირიის საზღვრიდან 40 კმ-ით არის დაშორებული.

თურქეთის უსაფრთხოების სამსახური პერიოდულად ატარებს რეიდებს სტანბოლში, გაზიანტეპში და სხვა ქალაქებში, იქ სადაც ჯიჰადისტების სავარაუდო სამალავები შეიძლება იყოს.