2018 წლის ოქტომბრის დასაწყისში, კანბერაში, ავსტრალიის ომის მემორიალზე უცნაური შემთხვევა დააფიქსირეს. უცნობი ჯარისკაცების საფლავებიდან ყაყაჩოები ქრებოდა. ბევრი ფიქრისა და ძებნის შემდეგ კი "დამნაშავესაც" მიაგნეს.

აღმოჩნდა, რომ ყვავილები არც მეტი, არც ნაკლები მტრედს მიჰქონდა, რომელსაც იქვე არსებულ ფერად ვიტრაჟზე ულამაზესი წითელი ბუდე გაუკეთებია.

მემორიალის თანამშრომლებმა განაცხადეს, რომ ვიტრაჟი, რომელიც ფრინველმა ბუდის გასაკეთებლად შემთხვევით აირჩია, დაჭრილი ჯარისკაცისა და ბრძოლის ველზე მისი სიმტკიცის სიმბოლოს წარმოადგენს.

ფოტო: The Australian War Memorial

ფოტო: Travis

აღსანიშნავია, რომ მტრედები, რომლებიც დღეს ქალაქის მომაბეზრებელ ფრინველებად ითვლებიან, ბრძოლის დროს ადამიანების საუკეთესო მოკავშირეები იყვნენ.

ფოტო: denisbin

ფოტო: Mike

"ომში რთული იყო ადამიანებთან სწრაფი კომუნიკაციის დამყარება და შესაბამისი კოორდინაცია, რაც ბუნებრივია, პირველი მსოფლიო ომის პერიოდში ხომ ტელეფონები არ არსებობდა. სწორედ ამიტომ შეტყობინებების ერთიდან, მეორე ადგილზე გასაგზავნად მტრედი ძალიან ეფექტური საშუალება იყო", — ამბობს ისტორიკოსი მელაჰ ჰემპტონი.

საინტერესოა, რომ მეორე მსოფლიო ომში 32 მტრედი დაჯილდოვდა მარია დიკინის მედლით, რომელითაც ყველაზე მამაც და ერთგულ ცხოველებს აჯილდოებდნენ. როგორც ჩანს, ჩვენი სტატიის მთავარ გმირსაც შემთხვევით არ შეურჩევია ეს მემორიალი საცხოვრებლად.