მეამბოხეების მეთაურებისა და დამკვირვებლების ცნობით, თურქეთის მხარდაჭერილმა აჯანყებულებმა ე.წ. ისლამური სახელმწიფოსთვის მნიშვნელოვანი ქალაქი Dabiq აიღეს. ინფორმაციას BBC ავრცელებს.

სირიის ადამიანის უფლებათა ობსერვატორიის თქმით, მეამბოხეებმა ქალაქი ISIS-ის მებრძოლების უკან დახევის შედეგად აიღეს.

პატარა ქალაქი სირიის ჩრდილოეთით აპოკალიპტური ბრძოლის წინასწარმეტყველების გამო ISIS-თვის ძალიან მნიშვნელოვანია. ქალაქი, ასევე, ხშირად ფიგურირებს ე.წ. ისლამური სახელმწიფოს პროპაგანდაში.

დაბიქის აღება სირიელი ამბოხებულების იერიშის მხოლოდ ნაწილია. სულთან მურადის აჯანყებულთა ჯგუფის მეთაურმა, აჰმედ ოსმანმა Reuters-ს უთხრა, რომ ჯგუფმა ასევე დაიბრუნა მეზობელი სოფელი სორანი.

დაბიქი თურქეთის საზღვართან მხოლოდ 10 კილომეტრში მდებარეობს. აგვისტოში, თურქეთმა იერიში დაიწყო, რომ საზღვრის მიმდებარე რეგიონი მებრძოლებისგან გაეთავისუფლებინა. სექტემბერში თურქეთის პრემიერმინისტრმა განაცხადა, რომ 91 კმ სასაზღვრო ზოლი "სრულიად დაცული" იყო და "ყველა ტერორისტულმა ორგანიზაციამ უკან დაიხია".