პრეზიდენტ სალომე ზურაბიშვილის თქმით, სანამ შეწყალების ახალი წესები არ იქნება მომზადებული, რომელიმე შეწყალებაზე საუბარი რთულია. მისივე თქმით, გადაწყვეტილებას მხოლოდ დეკანოზი გიორგი მამალაძე არ ელოდება.

"არ არსებობს მხოლოდ ერთი მამალაძე ამ ქვეყანაში და სამწუხაროა, რომ ერთ კითხვაზე მეტი არ შეგიძლიათ დასვათ. ძალიან ბევრი ხალხი ელოდება გადაწყვეტილებას". — უთხრა პრეზიდენტმა ჟურნალისტებს.

31 ოქტომბერს სინოდის სხდომამ ერთსულოვნად მიიღო გადაწყვეტილება, რომ დეკანოზ გიორგი მამალაძის შეწყალების შუამდგომლობით პრეზიდენტს მიმართოს.

2 ნოემბერს საქართველოს პრეზიდენტის ადმინისტრაციაში განაცხადეს, რომ შეწყალების საქმეების განხილვა არ განახლებულა. პრესსამსახურმა მედიასაშუალებებს პრესრელიზი დაუგზავნა, სადაც ეწერა, რომ დეკანოზ მამალაძის შეწყალებასთნ დაკავშირებულ საკითხებზე გავრცელებული ინფორმაცია არის Fake news და პრეზიდენტზე ზეწოლის მცდელობად აღიქვეს.

ციანიდის საქმე

დეკანოზი გიორგი მამალაძე 2017 წლის 10 თებერვალს თბილისის საერთაშორისო აეროპორტში დააკავეს. დეკანოზის დაკავების შესახებ ინფორმაცია პროკურატურამ 13 თებერვალს გაავრცელა. მას პატრიარქის მდივან-რეფერენტის, შორენა თეთრუაშვილის მკვლელობის მომზადება ედება ბრალად. შორენა თეთრუაშვილი, ილია მეორესთან ერთად, აღნიშნულ პერიოდში ბერლინში იყო, სადაც პატრიარქი მკურნალობდა.

დეკანოზი გიორგი მამალაძე სასამართლომ დამნაშავედ სცნო და მას შორენა თეთრუაშვილის განზრახ მკვლელობის მომზადებისა და იარაღის უკანონო შენახვა-ტარებისთვის ცხრაწლიანი პატიმრობა მიუსაჯა.

2018 წლის 13 თებერვალს თბილისის სააპელაციო სასამართლომ დეკანოზ გიორგი მამალაძის მიმართ გამოტანილი განაჩენი ძალაში დატოვა, უზენაესმა სასამართლომ კი დაუშვებლად სცნო.

ამავე თემაზე: