რამდენიმე წარუმატებელი საფეხბურთო მატჩის შემდეგ, თბილისის დინამომ გადაწყვიტა ცხვარი შეეწირა და თამაშის ხარისხი ასე გამოესწორებინა. აღნიშნული ინფორმაცია On.ge-ს დინამოს პრესსამსახურმა დაუდასტურა. პრესსამსახურის თქმით, გუნდმა ცხვარი ბაზაზე მიიყვანა, შემდეგ გაუშვა და რესტორანში იქეიფა:

"ცხვარი არ შეუწირავთ, მე რამდენადაც ვიცი მიიყვანეს და მერე გაუშვეს. რამდენადაც მე ვიცი, ნახევრად ხუმრობით გააკეთეს და მერე ვახშამი მოაწყო გუნდმა ერთ-ერთ რესტორანში. ზუსტად არც ვიცი, მაგრამ ცხვარი ნამდვილად ჰყავდათ ბაზაზე და მერე გაუშვეს. შეიძლება არიან ადამიანები, ვისაც მაგისაც [რიტუალების] სჯერა, უმეტესობა სპორტმენებისა, ცრუმორწმუნე ხალხია, შეიძლება სჯერათ, რაღაც მხრივ, რომ მაგან შეიძლება რაღაც უშველოს."

თბილისის დინამო ყველაზე ტიტულოვანი ქართული საფეხბურთო კლუბია, რომელიც საქართველოს ჩემპიონი 16-ჯერ გახდა, ხოლო საქართველოს თასის მფლობელი - 13-ჯერ. საფეხბურთო კლუბი 1925 წელს დაარსდა და საბჭოთა კავშირშიც არაერთი მნიშვნელოვანი ტურნირი აქვს მოგებული.