ამერიკულმა კინოაკადემიამ დევიდ ლინჩს კინოინდუსტრიაში შეტანილი წვლილისთვის საპატიო ოსკარი გადასცა. ლინჩთან ერთად სცენაზე ავიდნენ Blue Velvet-ის მსახიობები კაილ მაკლაჰენი, იზაბელა როზელინი და ლორა დერნი. მსახიობები ლინჩის სხვა ფილმებში და სერიალშიც ჩნდებიან.

ალბათ არ გაგიკვირდებათ, რომ ლინჩის სამადლობელი სიტყვა ხშირადმოსმენილი ფრაზებით გადატვირთული არ იყო. რეჟისორის სიტყვები შესაძლოა ბევრს მოკლედ მოეჩვენა, თუმცა, ისევე როგორც თავის ნამუშევრებში, მან ზედმეტი არაფერი თქვა:

"მადლობა აკადემიას ამ პატივისთვის და იმ ადამიანებს, ვინც მეხმარებოდა. ვულოცავ სხვა დაჯილდოებულებსაც, ყველას სასიამოვნო საღამოს გისურვებთ. (ამ დროს მან ოქროს ქანდაკებას დახედა) რა საინტერესო სახე გაქვს. ღამე მშვიდობისა".

საუკეთესო რეჟისორის ნომინაციაში ლინჩი ოთხჯერ იყო ნომინირებული, თუმცა ეს მისი პირველი ოსკარია.

გადაავლეთ თვალი ყველაზე მოკლე სამადლობელ სიტყვებს ოსკარის ისტორიაში: