თიბისი ბანკის საქმის პროკურორი, არჩილ ტყეშელაშვილი ამბობს, რომ უცხოელ ექსპერტებს, რომელიც მათ საქმისთვის დაიქირავეს, მსგავს დანაშაულებთან შეხება ჰქონიათ. მისივე თქმით, ის, რომ ექსპერტებმა ქართული კანონმდებლობა არ იციან და მათი შეფასება არაობიექტურია, სიცრუეა.

"უკანონო შემოსავლის ლეგალიზაცია არის ტრანსნაციონალური დანაშაული. ეს დანაშაული და ასეთი შემადგენლობა მოქმედებებს იმ ქვეყნებში, რომლებშიც საქმიანობდნენ ეს ექსპერტები. ერთ-ერთი მათგანი იყო ისრაელის გენერალური პროკურორი და არაერთ გახმაურებულ საქმეზე მონაწილეობდა. მეორე იყო აშშ-ს იუსტიციის დეპარტამენტის ორგანიზებულ დანაშაულთან ბრძოლის სამსახურის ბრძოლის", — თქვა პროკურორმა ჟურნალისტებთან.

დღეს, 25 ოქტომბერს თბილისის საქალაქო სასამართლოში თიბისი ბანკ საქმეზე მორიგი პროცესი მიმდინარეობს.

საქართველოს მთავარი პროკურატურის ცნობით, უწყებისთვის გაგზავნილ წერილში საერთაშორისო ექსპერტები, პოლ კოფი და მოშე ლადორი აღნიშნავენ, რომ მიწოდებული მტკიცებულებებიდან "იკვეთება მამუკა ხაზარაძისა და ბადრი ჯაფარიძის სქემა, რომლის მიზანიც იყო ბანკისგან მიღებული თანხების დანაწილების შენიღბვა, რაც წარმოადგენდა ფულის გათეთრებას, რომლის პრედიკატი დანაშაული იყო თაღლითობა". როგორც ექსპერტების წერილშია აღნიშნული, ისინი მხოლოდ პროკურატურის მიერ მიწოდებული მასალებით ხელმძღვანელობდნენ.

როგორც პროკურატურის უცხოელი მრჩევლები თავიანთ წერილში აღნიშნავენ, ისინი ხელმძღვანელობდნენ მხოლოდ და მხოლოდ პროკურატურის მიერ მიწოდებული მასალებით. გარდა ამისა, ისინი ამბობენ, რომ არიან ქართული საპროცესო სამართლისა და მისი პრაქტიკაში გამოყენების ექსპერტები.