კვენტინ ტარანტინოს 2019 წელს გამოსული ფილმი Once Upon a Time in Hollywood ერთ-ერთი ყველაზე წარმატებული კინოსურათი აღმოჩნდა რეჟისორის შემოქმედებაში: Django Unchained-ის შემდეგ ის ტარანტინოს ყველაზე მაღალშემოსავლიანი ფილმია.

თანაც ეს იმის გათვალისწინებით, რომ ფილმს პრობლემები შეექმნა ისეთ დიდი ქვეყანაში, როგორიც ჩინეთია: ფილმიდან გარკვეული სცენების ამოჭრა მოითხოვეს, თუმცა ამის უფლება ტარანტინომ არ მისცა და შესაბამისად, ამხელა ბაზრის მქონე ქვეყანაში ფილმის პრემიერაც არ შედგება.

მეტიც, კადრების ამოჭრის ნაცვლად კვენტინ ტარანტინო ფილმს კიდევ ახალ სცენებს ამატებს, რომლებიც ოთხ ისეთ ახალ ეპიზოდს მოიცავს, რომლებიც მანამდე ეკრანებზე არ გვინახავს. ახალი კადრების ხანგრძლივობა 10 წუთს შეადგენს და შესაბამისად, ფილმის ქრონომეტრაჟიც ამდენითვე გაიზრდება.

ფილმის მწარმოებელმა კომპანიამ Sony Pictures-მა განაცხადა, რომ განახლებული სცენებით ფილმის ხელახალი ჩვენებები ჩრდილოეთ ამერიკის ათასამდე კინოთეატრში უახლოეს დღეებში მოეწყობა. იმედია, მალე ქართველ მაყურებლებსაც შეგვეძლება ფილმის ახალი ვერსიის ხილვა.

ასევე იხილეთ: