2019 წელს საკულტო ამერიკელი რეჟისორი, კვენტინ ტარანტინო თავისი ახალი ფილმით Once Upon a Time In Hollywood კინოში ხმაურიანად დაბრუნდა. მიუხედავად იმისა, რომ ფილმი თავისი შემოსავლებით მომგებიანი აღმოჩნდა და ამავდროულად კრიტიკოსების დადებითი შეფასებებიც დაიმსახურა, როგორც ტარანტინოსთვისაა ჩვეული, მისი ახალი ფილმიც სკანდალში გაეხვა.

ფილმს სხვადასხვა დეტალის გამო აკრიტიკებდნენ, თუმცა ყველაზე აქტუალური მასში ბრიუს ლის პროტოტიპის ისეთი სახით წარმოჩენა იყო, რამაც მსოფლიოში ცნობილი ამ ჩინელი მსახიობის გულშემატკივრები და ოჯახის წევრები გაანაწყენა.

ძირითადად ჩინეთში ფილმების პრემიერა სხვა ქვეყნებთან შედარებით იგვიანებს ხოლმე. ასე მოხდა ტარანტინოს ახალი ფილმის შემთხვევაშიც, რომლის პრემიერაც 25 ოქტომბერს იყო დაგეგმილი, თუმცა მანამდე ბრიუს ლის შვილმა, შენონ ლიმ ჩინეთის ეროვნული ფილმის ადმინისტრაციას მიმართა, რათა ფილმიდან ის სცენები ამოეღოთ, რომლებშიც მამამისი "დამამცრიებლად" იყო ნაჩვენები.

კინოს დისტრიბუტორი კომპანიები ასეთ მოთხოვნებს ხშირად მარტივად თანხმდებიან, რადგან ისეთი დიდი ქვეყანა, როგორიც ჩინეთია, შემოსავლების მაჩვენებელს ზრდის. თუმცა, ამჯერად ტარანტინომ არ დაუშვა, რომ მისი ფილმი ცენზურის ქვეშ მოქცეულიყო და კადრების ამოჭრაზე უარი განაცხადა, რის გამოც, სავარაუდოდ, ჩინეთში ამ ფილმის ჩვენება აღარ შედგება და მოსახლეობა მხოლოდ პირატული ვერსიების იმედზეღა თუ იქნება.

ასევე იხილეთ: