კასპში 7 თვის შვილის მკვლელობისთვის მსჯავრდებული არასრულწლოვნის ქმარს, მიხეილ დვალიშვილს ბრალი წაუყენეს. ამის შესახებ On.ge-ს შინაგან საქმეთა სამინისტროში უთხრეს.

უწყების ცნობით, მას ბრალი სისხლის სამართლის კოდექსის 140-ე მუხლის პირველი ნაწილით წაუყენეს, რაც სრულწლოვნის მიერ წინასწარი შეცნობით 16 წელს მიუღწეველთან სექსუალურ კავშირს გულისხმობს.

რაც შეეხება მკვლელობაში მსჯავრდებულის, ის შვილის მკვლელობის ბრალდებით 21 მაისს დააკავეს. მას გორის რაიონულმა სასამართლომ 8 წლით თავისუფლების აღკვეთა შეუფარდა, რაც არასრულწლოვანთა მართლმსაჯულების კოდექსის 73-ე მუხლის მესამი ნაწილის შესაბამისად 1/4-ით შეუმცირდა და საბოლოოდ, 6 წელი განესაზღვრა.